[音樂會update]
由於日前宣佈咗「限聚令」延長嘅關係，我哋同各主辦單位評估後，一致決定要無奈取消4月29號喺 桔梗 JIEGENGE.HK舉行嘅音樂會。由於疫情同環境等各種不穩定因素，我哋亦未能定出下一個日期，所以我哋都唔想拖住買咗飛嘅朋友，所以會全數逐一退款，安排如下：
1. 之前Payme俾錢嘅朋友，可以喺Payme揀request功能，scan返之前畀錢嘅payme account QR code，並mark返你個名同買咗幾多張飛，經核對後工作人員會做番退款。因為咁樣會係最方便工作人員的做法，希望大家可以理解！（如果見大家幾日都無聲氣，工作人員都會提你send request link嚟，放心）由於人數眾多，退款將於明天起計3-5個工作天內完成。
2. 至於ATM過數嘅朋友，我哋理解唔係人人有網上銀行/電話理財APP，所以會個別聯絡你哋商討退款方法，完成手續後工作人員都會提供返截圖畀你哋以作參考。同樣地，退款將於明天起計3-5個工作天內完成。
3. 假如好好彩可以再喺桔梗開到音樂會，今次保留過門票嘅朋友，我哋會保留名單並安排優先開放預購時段畀你哋買飛，如果到時日子時間啱嘅，再嚟支持呀！（詳情可能都要有新公佈再同大家交代喇！）
多個月嚟麻煩到大家真係唔好意思😭 希望遲d好轉嘅時候再見大家！
Search